“Sumqayıt” Azərbaycan çempionatında 400-cü qolunu vurub.
Sportfm.az xəbər verir ki, bu, Misli Premyer Liqasının XXVII turunda “Turan Tovuz”la oyuna təsadüf edib.

2:1 hesabı ilə qalib gələn qonaqların ikinci qolu yubiley xarakteri daşıyıb. Bu topun müəllifi 64-cü dəqiqədə fərqlənən Bobir Abdixolikov olub.

“Gənclik şəhəri” təmsilçisi Azərbaycan çempionatları tarixində 400 və daha çox qol vuran 9-cu komanda olub.

Sumqayıtın eyniadlı təmsilçisi “400”ə 427-ci oyunda çatıb. Bu qollardan 210-u ev, 190-ı səfər matçlarında vurulub.

“Sumqayıt”ın Premyer Liqadakı 1-ci qolunu Eşqin Quliyev 2011/2012 mövsümündə vurub. O, 2011-ci il avqustun 6-da “Xəzər Lənkəran”la səfər matçında (1:2) fərqlənib.

Oxşar xəbərlər

Azərbaycan çempionatlarında 200-cü məğlubiyyət

100-cü səfər qolu

"Sumqayıt"dan yubiley qələbəsi - Misli Premyer Liqası

“Sumqayıt”da 350-ci qol - Azərbaycan çempionatları

“Sumqayıt”dan 250-ci qol