UEFA Çempionlar Liqasının 3-cü təsnifat mərhələsinin ötən gecə baş tutan ilk oyunları Azərbaycanın UEFA reytinqindəki mövqeyinə ciddi təsir göstərməyib.

Sportfm.az xəbər verir ki, son reytinqdə Azərbaycan əvvəlki mövqeyini qoruyaraq 22-ci pillədə qərarlaşıb. Öz meydanında Moldova "Şerif”i ilə qolsuz heç-heçə edən "Qarabağ” Azərbaycanın hesabına 0.125 xal qazandırıb. Bununla da, son 5 ilin nəticələrinə əsasən hesablanan reytinq xalımız 17.125-ə yüksəlib.

Qeyd edək ki, Azərbaycandan 1 pillə irəlidə - 21-ci yerdə olan Kiprin 17.425 xalı var.