Macarıstanın paytaxtı Budapeştdə boks üzrə U-23 Avropa çempionatı davam edir.
Sportfm.az xəbər verir ki, yarışın ikinci günündə Azərbaycan millisinin daha 2 boksçusu qələbə qazanıb.

55 kq-da Amin Məmmədzadə 1/8 finalda Friha İsmail Maqraovi (İspaniya) ilə döyüşüb. Boksçumuz rəqibini 5:0 (30:26, 30:26, 30:26, 30:26, 30:25) hesabı ilə məğlub edib. O, 1/4 finalda Qor Ayvazyanla (Gürcüstan) qarşılaşacaq.

Tağı Nəsibov (60 kq) da ilk döyüşündən qalib ayrılıb. Təmsilçimiz 1/8 finalda Yakub Krzpyetdən (Polşa) üstün olub - 4:1 (29:28, 28:29, 29:28, 30:27, 29:28). O, növbəti görüşündə Qavin Ryanla (İrlandiya) üz-üzə gələcək.

Nəsibov yarımfinal uğrunda sabah, Məmmədzadə noyabrın 26-da rinqə çıxacaq.

Qeyd edək ki, Avropa çempionatı noyabrın 29-da başa çatacaq.

Oxşar xəbərlər

Boksçularımız Avropa çempionatına qələbə ilə başladı

Boksçularımız Avropa çempionatının yarımfinalında

Boksçularımız qələbə ilə başladı - Avropa Çempionatı

İki boksçumuz finalda - Avropa çempionatı

İki boksçumuz 1/8 finalda - Avropa çempionatı