FİFA ABŞ, Meksika və Kanadada keçiriləcək 2026-cı il dünya çempionatının rəsmi afişasını təqdim edib.

Sportfm.az xəbər verir ki, bu barədə qurumun rəsmi saytı məlumat yayıb.

2026-cı il dünya kuboku tarixdə 3 ölkənin birgə ev sahibliyi edəcəyi ilk turnir olacaq. Posterin dizaynının əsasını məhz bu birlik və əməkdaşlıq ideyası təşkil edir.

Əsas poster üzərində hər ev sahibi ölkədən bir rəssam olmaqla üç rəssam çalışıb: Karson Tinq (Kanada), Minerva GM (Meksika) və Hank Uillis Tomas (ABŞ). FİFA qeyd edib ki, mundial tarixində turnirin rəsmi posterinin eyni anda üç rəssam tərəfindən yaradılması da ilk dəfədir.

Əsas posterdən əlavə, turnirdə 16 ev sahibi şəhər üçün ayrıca poster seriyası da olacaq. Bu, dünya çempionatı tarixində birinci dəfə yaşanacaq.

DÇ-2026 11 iyun - 19 iyul tarixlərində keçiriləcək.

Oxşar xəbərlər

DÇ-2026 satılan biletlərin sayı açıqlandı - 2 milyon

Dünya çempionatının səbətləri açıqlandı

DÇ-2026-nın rəsmi topu təqdim edildi

Özbəkistan millisi DÇ-2026-ya vəsiqəni təmin etdi

Mundial üç ölkədə keçirilə bilər