Monteneqronun Budva şəhərində gənc boksçular arasında keçirilən Dünya kuboku statuslu “Adriatik incisi” beynəlxalq turniri başa çatıb.
Sportfm.az xəbər verir ki, Azərbaycan millisi 18 ölkənin qatıldığı yarışda 1 qızıl, 1 gümüş və 2 bürünc medal qazanıb.

Komandamızın heyətində Rza Rzayev (70 kq) bütün rəqiblərinə qalib gəlib. O, finalda Maksim Kirillovu 4:1 (30:27, 28:29, 29:28, 29:28, 29:28) hesabı məğlub edərək fəxri kürsünün ən yüksək pilləsinə qalxıb.

Digər boksçularımızdan Heydər Əzməmmədov (85 kq) gümüş, Vüsal Xəlilov (65 kq) və Zaur Səmədov (90 kq) bürünc medala yiyələniblər. Millimiz bu göstərici ilə komanda hesabında 3-cü yeri tutub.

Oxşar xəbərlər

Azərbaycan güləşçisi gümüş medal qazandı - İslamiada

Boksçularımız Avropa çempionatını 8 medalla başa vurdu

Boksçularımız Avropa birinciliyində 22 medal qazandı

Boksçularımız beynəlxalq turnirdə 7 medal qazandı

Azərbaycan boksçuları 9 medal qazandı - Beynəlxalq turnir