Polşanın Poznan şəhərində keçirilən cüdo üzrə gənclər arasında Avropa kuboku başa çatıb.

Sportfm.az xəbər verir ki, son yarış günündə milli komandamızın bir üzvü fəxri kürsünün ən yüksək pilləsinə qalxıb.

-52 kq çəki dərəcəsində mübarizə aparan Aysun Məmmədova bütün rəqiblərinə qalib gələrək qızıl medal qazanıb.

Cüdoçumuz finala gedən yolda Nina Potok (Polşa), Lola Hodson (Böyük Britaniya) və Sofia Kordovanı (İsveç) mübarizədən kənarlaşdırıb. Həlledici görüşdə Böyük Britaniyanın digər təmsilçisi Keyt Çişolmu da məğlub edən Aysun Məmmədova karyerasında ilk dəfə gənclər arasında beynəlxalq turnirin qalibi olub.

Yarışda 21 ölkədən 267 cüdoçu qüvvəsini sınayıb.

Oxşar xəbərlər

Cüdoçumuz Türkiyədə bürünc medal qazandı

Cüdoçularımız Avropa kubokunda

Cüdoçularımızdan ilk günündə böyük uğur - Avropa Kuboku

Xorvatiyada qızıl medal qazanan Aysun - FOTO

İki cüdoçumuz Avropa çempionu oldu