reklam
4 boksçumuz yarımfinala yüksəldi -
Sportfm.az xəbər saytı

4 boksçumuz yarımfinala yüksəldi -Dünya kuboku


Braziliyanın Fos-du-İquasu şəhərində boks üzrə keçirilən Dünya kubokunda 1/4 final mərhələsinin döyüşləri başa çatıb.

Sportfm.az xəbər verir ki, Azərbaycan millisinin bu mərhələdə rinqə çıxan 4 idmançısının hamısı yarımfinala vəsiqə əldə edib.

50 kq-da Sübhan Mamedov Rudolf Qarboyan (Ermənistan) üzərində qələbə qazanıb. Rəqib zədələndiyindən döyüşü davam etdirə bilməyib. Mamedov növbəti görüşündə Anvarjan Xodjiyevlə (Qırğızıstan) üz-üzə gələcək.

Nəbi İsgəndərov (70 kq) ardıcıl üçüncü qələbəsini qazanıb. O, 1/4 finalda Farux Toxtassunovu (Qazaxıstan) da mübarizədən kənarlaşdırıb – 3:2 (29:28, 30:27, 29:28, 27:30, 28:29). İsgəndərov yarımfinala Kaian Reisi (Braziliya) sınağa çəkəcək.

Səidcəmşid Cəfərov (75 kq) Sanjar-Ali Beqaliyevə (Qazaxıstan) qalib gəlib. Boksçumuz rəqibini 4:1 (30:27, 29:28, 29:28, 28:29, 29:28) hesabı ilə məğlub edib. O, finala gedən yolda Qabriel Quidi Rontani (İtaliya) ilə döyüşəcək.

Məhəmməd Abdullayev (+90 kq) də növbəti qələbəsini qazanıb. 1/4 finalda hər 3 raundu aktivinə yazan milli üzvü Luka Pratljaçiçə (Xorvatiya) heç bir şans verməyib – 5:0 (30:27, 30:27, 30:27, 30:27, 30:27). O, üçüncü qarşılaşmasında Omar Şina (Norveç) ilə döyüşəcək.

Yarımfinala yüksələn 4 boksçumuzun hər biri özü üçün azı bürünc medalı təmin edib.

Qeyd edək ki, Dünya kubokuna aprelin 26-da yekun vurulacaq.

Oxşar xəbərlər

Boksçumuz daha bir qələbə qazandı - Dünya Kuboku
Daha 2 boksçumuz dünya kubokunda mərhələ adladı
Üç boksçumuz dünya çempionatının yarımfinalında
Daha 2 boksçumuz 1/4 finalda - Dünya çempionatı
İki boksçumuz yarımfinalda - Dünya kuboku

Ən son xəbərləri bizim

"Facebook" səhifəmizdə izləyin

Digər xəbərlər