Avstriyanın Qrats şəhərində cüdo üzrə gənclər arasında Avropa Kubokuna start verilib.

Sportfm.az xəbər verir ki, yarışın ilk günündə Azərbaycan millisi bir qızıl medal qazanıb.

-66 kq çəki dərəcəsində çıxış edən Məhəmməd Musayev bütün rəqiblərinə qalib gələrək çempion olub. Cüdoçumuz finaladək Almaniya, Xorvatiya, Belçika və Macarıstan təmsilçilərini mübarizədən kənarlaşdırıb.

Məhəmməd həlledici görüşdə Serbiya idmançısı Marko Yorqiçi ipponla məğlub edərək fəxri kürsünün ən yüksək pilləsinə qalxıb.

Aktivində 1 qızıl medal olan milli komandamız medal sıralamasında oğlanlar arasında birinci, ümumi hesabda isə 5-ci pillədə qərarlaşıb.

Oxşar xəbərlər

Yeniyetmələr arasında Avropa çempionundan qızıl medal - Uğur

Azərbaycan millisi daha 2 medal qazandı - Avropa çempionatı

Daha bir cüdoçumuz qızıl medal qazandı - Dünya çempionatı

Azərbaycan cüdoçuları Avropa Kubokunda birinci oldu

İki cüdoçumuz Avropa çempionu oldu