Avropa çempionatına hazırlığını davam etdirən qadın voleybolçulardan ibarət Azərbaycan millisi Bakıda iki yoxlama oyunu keçirib.

Sportfm.az xəbər verir ki, bu barədə Azərbaycan Voleybol Federasiyası məlumat yayıb.

Bildirilib ki, komanda ölkədə təlim-məşq toplanışında olan Latviya millisi ilə qarşılaşıb. Hər iki oyunda Azərbaycan millisi qələbə (3:2, 3:0) qazanıb. Gənclər və İdman Nazirliyinin Voleybol Mərkəzində baş tutmuş bu qarşılaşmaları AVF rəhbərliyi də izləyib.

Qeyd edək ki, Faiq Qarayevin baş məşqçisi olduğu kollektiv C qrupunda mübarizə aparacaq. Komanda qrup mərhələsində Portuqaliya, Niderland, Belçika, Rumıniya və İspaniya yığmaları ilə qarşılaşacaq. Bu qrupun oyunları avqustun 21-28-də Milli Gimnastika Arenasında keçiriləcək.

Oxşar xəbərlər

Millimiz Yunanıstana qalib gəldi

Yığmamız Avropa çempionatına Afinada hazırlaşacaq

Azərbaycan millisi təsnifat turnirində mübarizə aparacaq - AVRO-2026

Millimiz İslamiadada ikinci qələbəsini qazandı

Azərbaycanın voleybol millisi Belçikaya yollandı