Bakıda keçirilən cüdo üzrə böyüklər arasında dünya çempionatında Azərbaycan millisinin üzvü Əhməd Yusifov finala yüksəlib.

Sportfm.az xəbər verir ki, -60 kq çəki dərəcəsində mübarizə aparan cüdoçumuz yarışa 1/16 final mərhələsindən başlayıb.

Əhməd Yusifov ardıcıl olaraq Tumenjarqal Tuvşinturu (Monqolustan), Harş Sinqhi (Hindistan), Ayub Bliyevi (Rusiya) və yarımfinalda Yan Yunq-Veyi (Çin Taypeyi) məğlub edərək həlledici görüşə vəsiqə qazanıb. Cüdoçumuz dünya çempionluğu uğrunda finalda Qazaxıstan təmsilçisi Şerzod Davlatovla qarşılaşacaq.

Milli Gimnastika Arenasında keçirilən dünya çempionatında final bloku saat 18:00-dan etibarən start götürüb.
Cüdoçumuz finalda Qazaxıstan təmsilçisinə ipponla qalib gəlib.

Oxşar xəbərlər

Cüdoçumuz dünya çempionu oldu - UĞUR

Gənc cüdoçumuz dünya çempionu oldu

3 cüdoçumuz mübarizəyə başlayır - Dünya çempionatı

4 cüdoçumuz finala yüksəldi - Böyük Dəbilqə

Cüdoçumuz dünya çempionu oldu - Uğur