"Zirə"nin və millimizin üzvü Təmkin Xəlilzadə Almaniya ilə matçdan sonra müsahibə verib.

Sportfm.az xəbər verir ki, futbolçu seçmə mərhələnin son görüşü haqda danışıb.

- Almaniya məğlubiyyəti haqda fikirlərini öyrənək...
- Oyunun bizim üçün çətin olacağını əvvəlcədən bilirdik. Əslində, ilk hissə çox da pis deyildi. Sadəcə ikinci yarıda meydan sahibləri təzyiqi artırdı və daha çxo tab gətirə bilmədik.

- Fasilə ərəfəsində nə düşünürdüz, baş məşqçinin siszə xüsusi tapşırığı oldumu?
- Fasilədə Robert Prosineçki dedi ki, standart vəziyyətlərə fikir verin. Bir də geri qayıdan ikinci topları nəzərinizdən qaçırmayın. İstək başqa, reallıq başqa. Hamımız istərdik ki, nəyəsə nail olaq.

- Start heyətində yer alacağını gözləyirdin?
- Mən hər oyundan əvvəl özümü hazırlayıram ki, bu görüşdə əsas heyətdə meydanda çıxacam. Almaniya oyundan əvvəl biləndə ki, start heyətində meydana çıxacam, iki qat məsuliyyətlə hazırlaşdım. Çünki rəqib elə bir kollektivdi ki, ən xırda səhvlərdən belə, qol vurmağı bacarır.

- Komandamız hesabı bərabərləşdirdikdən sonra rəqib futbolçularla söz mübahisəsi yarandı...
- Onlar bizə irad bildirdilər ki, oyunçuları Mustafi yerdə qalıb, bəs niyə topu qırağa çıxarmadız? Biz də bildirdik ki, Ramil digər müdafiəçi ilə təkbə-tək çıxmışdı, həmin vəziyyətdə topu kənara atmaq düzgün olmazdı. Amma biz nə desək də, almanlar qəbul etməyəcək, çünki qol vurmuşuq. Gördük, nə desək xeyri olmur, axırda başını buraxdıq.

- DÇ-2018-in seçmə mərhələsində 10 xal toplamağımızı necə qiymətləndirirsən?
- Yaxşı nəticədi, hələ indiyə qədər 10 xalımız olmamışdı. Nəzərə almaq lazımdı ki, qrupda Çexiya, Almaniya və Şimali İrlandiya kimi ölkələr var idi. Ən çox ona məyus olduq ki, ilk 3 görüşdən 7 xal topladıq, arxası gəlmədi.

- Çıxış etdiyin klub "Zirə" hazırda Premyer Liqada iddialılar sırasındadı. Komandanın çempionluq şansını necə görürsən?
- Mövsümün başa çatmasına hələ 21 oyun var. İndidən qızıl medallar haqda danışmağımız düzgün çıxmazdı. Üstəlik qarşımıza "çempion olmalısınız" kimi bir məqsəd də qoyulmayıb.
- Almaniya ilə oyundan sonra Azərbaycan çempionatının görüşlərinə köklənmək çətin olmayacaq?
- Yox, millimizin öz yeri var, çempionatımızın öz yeri. Neçə illərdi Premyer Liqada top qovuruq, artıq öyrəşmişik.(idmanmxeber.com)

Oxşar xəbərlər

"Onlar gücümüzə güc qatmağa borcludurlar" - Təmkin Xəlilzadə

Qabriel Bastos: Bizim üçün çətin və xoş olmayacaq

“Qurban Qurbanovun stadionda olmağı bizim üçün stimuldur”

Robert Prosineçki:"Bir neçə gündən sonra açıqlama verəcəm"

Robert Prosineçki:"O yığmada oynamayacaq..."