"Sumqayıt" klubu bir müddət əvvəl həbs olunan futbolçusu Nicat Muxtarovun azadlığa çıxması ilə bağlı mövqeyini açıqlayıb.

Sportfm.az saytı "Report"a istinadən bildirir ki, Sumqayıt təmsilçisi 22 yaşlı yarımmüdafiəçinin klubdakı taleyi ilə bağlı məhkəmə yekunlaşdıqdan sonra qərar verəcək.

Bildirilir ki, onun "Sumqayıt"a qayıtması istintaq başa çatandan sonra mümkün olacaq: "Nicat Muxtarov azadlıqdadır, buna sevinirik. İstintaq müddəti bitmədən onun "Sumqayıt"a qayıtması mümkün olmayacaq. Məhkəmə yekunlaşdıqdan sonra klubda qalıb-qalmaması ilə bağlı qərar verəcəyik".

Qeyd edək ki, N.Muxtarov sentyabrın 9-da və 15-də Sumqayıt Telekommunikasiya Qovşağına məxsus ümumilikdə 695 metr hava rabitə kabelinin kəsilərək oğurlamaqda şübhəli bilinən mütəşəkkil qrupun tərkibində tutulub.

Oxşar xəbərlər

Azərbaycanda həbsdən çıxan futbolçu komandasına qələbə qazandırdı

"Sumqayıt" oğurluq etmiş futbolçusu ilə vidalaşdı

Nicat Muxtarovun acı karyerası - Kabel oğrusu olan futbolçu klubsuz qaldı

"Sumqayıt" azadlığa çıxan Nicat Muxtarova sahib çıxacaq mı?

Məhməkə Nicat Muxtarov haqqında qərar verdi - RƏSMİ