Azərbaycanın triatlon yığmasının üzvü Rostislav Pevtsov Koreya Respublikasının Tongyong şəhərində təşkil olunan sprint üzrə dünya kuboku yarışlarında gümüş medal qazanıb.

Sportfm.az xəbər verir ki, 750 metrlik su məsafəsini idmançımız 8 dəqiqə 36 saniyəyə başa vurub. Ardınca isə 20 kilometrlik velodistansiyanı 27 dəqiqə 5 saniyəyə qət edib. Nəhayət, yarışların sonuncu mərhələsi - 5 kilometrlik qaçış zolağını R.Pevtsov 15 dəqiqə 7 saniyəlik nəticə ilə başa vurub. Ümumi hesabda R.Pevtsov 52 dəqiqə 2 saniyə vaxt göstəricisi ilə turnirin gümüş medalına sahib olub.

Qeyd edək ki, cari mövsümdə R.Pevtsov üçüncü dəfə dünya kuboku yarışlarında fərqlənib. Bələ ki, triatlonçumuz Çinin Çenqdu şəhərində keçirilən dünya kubokunda gümüş, Honq-Konqda isə qızıl medal qazanıb.

Oxşar xəbərlər

Təmsilçimiz 4-cü oldu

Azərbaycan triatlonçusu 8-ci oldu - Avropa kuboku

Azərbaycanlı idmançı qızıl medal qazandı - Avropa kuboku

Triatlonçumuz Avropa kubokunda gümüş medal qazandı

Triatlonçumuzdan qızıl medal