Xorvatiya millisinin futbolçusu İvan Perişiç yeni mövsümdən İspaniya La Liqasında çıxış edə bilər.

Qol.az-ın "sport.es"ə istinadən verdiyi məlumata görə, İtaliya "İnter"inin futbolçusu "Barselona"nın maraq dairəsinə düşüb.

Kataloniya təmsilçisinin baş məşqçisi Luis Enrike EURO 2016-dakı uğurlu çıxışı ilə diqqət çəkən Perişiçi komandasında görmək istəyir. "Barselona"nın turnirdən sonra 27 yaşlı futbolçu ilə danışıqlara başlayacağı gözlənilir.

Qeyd edək ki, 2015-ci ildən "İnter"də çıxış edən Perişiç keçirdiyi 34 oyunda 7 qol vurub.