Azərbaycan idmançılarının mötəbər beynəlxalq turnirlərdə qazandıqları uğurlarda Daxili İşlər Nazirliyinin (DİN) əməkdaşlarının da öz payı var. 

Daxili İşlər Nazirliyinin mətbuat xidmətindən Sportfm.az saytına bildiriblər ki, belə idmançılardan biri də DİN-in Baş Pasport Qeydiyyat və Miqrasiya İdarəsinin əməkdaşı, polis serjantı Nicat Hüseynovdur.

Kempo idmanı ilə məşğul olan N.Hüseynov Buxarestdə keçirilən Avropa çempionatında gümüş medal qazanıb. Yarışla bağlı təəssüratlarını bölüşən idmançı deyib: “Çempionatda Avropanın ən güclü, titullu idmançıları iştirak edirdilər. Birinci döyüşüm Macarıstan idmançısı ilə oldu və onu məğlub etdim. İkinci qarşılaşmada fransalı rəqibim üzərində qələbə qazanmağım elə də çox vaxt aparmadı. Yarımfinalda yerli idmançı ilə qarşılaşmam tamaşaçılar üçün xüsusən böyük maraq kəsb edirdi. Azarkeşlər öz idmançılarından qələbə gözləyirdilər. Lakin qələbəni mən qazandım və sübut etdim ki, harada olursan-ol özünəinam hissi insanı qələbəyə doğru aparır. Yarımfinalda olduğu kimi, finalda da rəqibim rumıniyalı idmançı oldu. Döyüş çox çətin keçdi. Etiraf edim ki, rəqibim çox güclü idi və mən gümüş medalla kifayətlənməli oldum”.

Azərbaycan atletlərinin, eləcə də DİN-in əməkdaşı olan idmançıların daha böyük uğurlar qazana bilmələri üçün yaradılmış əlverişli şəraitə, göstərilən diqqət və qayğıya görə ölkə və DİN rəhbərliyinə minnətdarlığını bildirən N.Hüseynov deyib: “Bu əlverişli şəraitdən istifadə edərək qarşıdakı yarışlara daha ciddi hazırlaşıb adımızı birincilər sırasına yazdıracağıq”.

Oxşar xəbərlər

"Bu qələbəmi hərbiçi olan qardaşıma həsr edirəm" - Taleh Məmmədov

DİN-in istirakçıları Avropa Çempionatına vəsiqə qazanıblar

Azərbaycanlı polis çempion oldu - FOTO

DİN-in əməkdaşı çempion oldu

Dünyanın ən güclü insanları Azərbaycan polisləri oldu