Argentina millisinin baş məşqçisi Xerardo Martinonun yığmada gələcək taleyinə aydınlıq gəlib. 

Qol.az-ın Argentina Futbol Federasiyasının rəsmi saytına istinadən verdiyi məlumata görə, 53 yaşlı mütəxəssis yığmadakı işinə davam edəcək.

Ölkənin Futbol Federasiyasının rəsmi saytında Martinonun gələcəyi ilə bağlı bunlar yazılıb: "Martino və onun köməkçiləri bazar ertəsi işinə qayıdacaq və komandanı Rio-de Janeyroda keçiriləcək Yay Olimpiya Oyunlarına hazırlayacaq".

Qeyd edək ki, Argentinanın Amerika kubokunun finalında Çiliyə uduzmasından sonra Martinonun istefaya göndəriləcəyi iddia olunurdu.