“Qarabağ”ın məşqçisi Elçin Rəhmanov PRO məşqçilik kurslarının tələblərinə əsasən dekabrın 9-da Bolqarıstana yollanıb.

Sportfm.az klubun saytına istinadən xəbər verir ki, 6 günlük proqramda məşqçimiz Bolqarsıtanın “Levski” və “Ludoqorets” klublarının bazasında olacaq.
Rəhmanov “Ludoqorets” klubunda akademiyanın fəaliyyəti ilə yaxından tanış olub və akademiyanın direktoruyla görüşüb, fikir mübadiləsi aparıb.
Elçin Rəhmanov “Levski” klubunun məşqçilər heyəti və “Latsio” və “Fiorentina”nın sabiq baş məşqçisi, hazırda da “Levski”ni çalışdıran Delio Rossiylə görüşəcək. Komandanın 1 həftəlik hazırlıq prosesi ilə tanış olacaq.
Qeyd edək ki, Elçin Rəhmanov 2009-cu ildən "Qarabağ"da Qurban Qurbanovun köməkçisidir. Qurbanovun fiziki hazırlıq üzrə bolqar köməkçisi Çudomir Çakarov də vətənində təcrübə keçməyə yollanıb.

Oxşar xəbərlər

Qurban Qurbanovun dəvət aldığı türk klubuna cavabı - Təfərrüatlar

Elçin Rəhmanov rəqiblərimizin oyununa baxacaq

Qurban Qurbanovun köməkçisi kimdir?

Azərbaycanlı məşqçi "Samdoriya"da

“Qarabağ” Qurban Qurbanovun milli komandaya baş məşqçi təyin olunmasını qeyd edib - FOTO