Futbol üzrə Azərbaycan Premyer Liqasında çıxış edən "Kəpəz" komandasının qış hazırlıq proqramı müəyyənləşib.

Sportfm.az xəbər verir ki, istirahətə buraxılan kollektiv 2018-ci il yanvarın 5-də Bakıda bir araya gələrək tibbi müayinədən keçəcəklər.

Futbolçular ayın 7-də baş məşqçinin sərəncamında olacaqlar. Yanvarın 8-dən isə "sarı-göylər" gündə iki dəfə olmaqla təlim-məşq toplanışına start verəcəklər. Ayın 13-dək komanda "Dalğa Arena"da məskunlaşacaq. Daha iki gün isə futbolçular Azərbaycan Dövlət Bədən Tərbiyəsi və İdman Akademiyasının stadionunda hazırlıq keçəcək.

"Kəpəz"in üzvləri yanvarın 16-da istirahət edəcək. Bir gün sonra isə komanda Türkiyəyə yollanmaq üçün Heydər Əliyev Beynəlxalq Hava Limanında toplaşacaq. Gəncə klubu hazırlığın bundan sonrakı hissəsini Antalyada davam etdirəcək. Gəncə klubu fevralın 2-dək qardaş ölkədə olacaq.  

Oxşar xəbərlər

“Kəpəz”in hazırlıq planı məlum oldu

"Kəpəz" Antalyaya yollandı

“Zirə”nin qış hazırlıq planı məlum oldu

“Kəpəz” Türkiyəyə yollanır?

"Kəpəz" qış hazırlıq planında hara yollanacaq?