“Qarabağ”ın baş məşqçisi Qurban Qurbanov Azərbaycan Kubokunun 1/4 final mərhələsi çərçivəsində “Sumqayıt”a qarşı keçirdikləri oyunu şərh edib.

Sportfm.az xəbər verir ki, Ağdam klubunun çalışdırıcısı 0:2 hesabıyla uduzduqları (ilk oyun 2:1) matçdan sonra bunları söyləyib:

“Sumqayıt”ı təbrik edirəm. Layiqli qələbə qazandılar. Həmişə kubok oyunlarında ehtiyat etmişəm. Futbolçuların üzərinə çox getmədim. Əvvəl də dediyim kimi, komandada yorğunluq var. Bu il bizim üçün ağır oldu.

Riçard Almeyda və Dino Ndlovunun oynamaması zədəli olmaları ilə bağlıydı. İkisinin də əzələsində dartılma vardı.

Qış fasiləsində kimlərin gedəcəyi bilinmir. Konkret olaraq, belə futbolçu yoxdu. Hər bir futbolçunun müqaviləsi var. Bu haqda heç nə deyə bilməyəcəm. Kimsə öz xahişi ilə getmək istəsə, düşünərik. Müqaviləsi olan oyunçuya get deyə bilmərik.

Heyəti gücləndirmək fikrimiz var. Yerli futbolçu əldə edə bilmərik. Yaxşı futbolçuların hamısı öz klubundadı. İnanmıram onlar istədiyimiz futbolçuları bizə versin. Axtarışlarımız gedir. Yayda danışıqlar apardığımız oyunçularla hələ də danışıqlar aparırıq. Amma mütləq futbolçu gəlməlidi”. (komanda.az)

Oxşar xəbərlər

"Hücumçu kimi Musanı oynatmağa məcbur idik" - Qurban Qurbanov

"Rəqibin orada necə oynayacağını bilmək olmaz" - Qurban Qurbanov

"Onlardan hər şey gözləmək olar" - Qurban Qurbanov

"Belə uduzmaq istəməzdik" - Sənan Qurbanov

Qurban Qurbanov qələbəni şərh etdi - "Azarkeşlər olsaydı, hücumlarımız daha effektiv ola bilərdi"