Amerika Kuboku və AÇ-2016-nın çempionları arasında oyun keçiriləcək. Apasport.az saytının məlumatına görə, bu, dünya futbolu tarixində ilk belə hadisə olacaq.

 

CONMEBOL-un prezidenti Alexandro Dominges bir müddət öncə UEFA-ya müraciət ünvanlayaraq, hər iki turnirin qalibinin üz-üzə gəlməsini təklif etmişdi. Artıq qitənin futbol qurumu bu təklifə cavab verib. Dominges sosial şəbəkə vasitəsilə UEFA-nın təklifi müsbət qarşıladığını bildirib.

 

Qeyd edək ki, Amerika Kubokunun finalında Çili yığması Argentinaya qalib gələrək, çempion adını qazanıb. Avropa çempionatının ən güclüsünün adı isə iyulun 10-da bəlli olacaq.