Futtennis üzrə Azərbaycan Super Liqasında növbəti oyun günü maraqlı qarşılaşmalar baş tutub. Belə ki, A qrupunda 7-inci tur çərçivəsində mərkəzi görüşdə "Yeni Günəşli" "Yasamal"la üz-üzə gəlib. Hərəyə bir hissədə qalib gələn komandalar arasında keçirilən son setdə birincilər güclü olduqlarını sübut ediblər.

Sportfm.az saytı xəbər verir ki, bu qrupun digər güclü kollektivi "Marafon"da günü qalibiyyətlə başa vurub. Onlar müvafiq olaraq "Xilə" və NUR-dan üstün olublar. "Marafon" İdman klubunda keçirilən oyunlarda "Atletiko Baku" NUR üzərində inamlı qazanıb. "Yeni Günəşli" ilə qüvvəsini sınayan "Bakı ispanları" zəif rəqib olmadıqlarını isbat ediblər. 1-1-lik bərabərlikdən sonra qalibi aşkar edəcək son setdə "Yeni Günəşli" aktivinə 3 xal yazdırıb. B qrupunda keçirilən görüşlərdə isə sensasion nəticə qeydə alınıb. Elşən Ağaverdiyevin rəhbərlik etdiyi "Zirvə" turnirin favoriti, futtennis üzrə Azərbaycan Kubokunun qalibi "Neftçi" üzərində inamlı qələbə qazanıb. Bu komandalar arasındakı ilk dueldən "Neftçi" qalib ayrılsa da, ikinci sınaqdan "Zirvə" "üzüağ" çıxıb. Eyni hesabla "Şuşa-2017"-ni məğlub edən birincilər, "Meqa"yada heç bir şans verməyib. "Şuşa-2017" və "Meqa" arasında oynanan qarşılaşmada isə Nadiq Qasımovun komandası qalib gəlib. 

Oxşar xəbərlər

Azərbaycan Super Liqasının qalibi məlum oldu - Marafon hamıdan güclüdür

"Atletiko" Şuşa"ya, "Neftçi" "Yeni Günəşli"yə rəqib oldu

"Şuşa" və "Marafon" növbəti qələbələrini qazandı, "Neftçi" İK "Meqa"nı məğlub etdi - Super Liqa davam edir

"Şuşa" komandası Super Liqada ilk qələbəsini rəsmiləşdirdi

Azərbaycanda Super Liqa həyəcanı başlayır