Beynəlxalq Yüngül Atletika Federasiyası (IAAF) Rusiya idmançılarının istəyini rədd edib. Goal.az xəbər verir ki, qurum Darya Klişinadan başqa bütün rus atletlərin Rio-Olimpiadasında iştirakına qoyulan qadağanı qüvvədə saxlayıb. Rusiyanın ən məşhur atletlərindən biri Yelena İsinbayevanın məşqçisi Yevqeni Trofimov bu qərardan İdman Arbitraj Məhkəməsinə (CAS) müraciət edəcəklərini bildirib.

Qeyd edək ki, iyunun 17-də IAAF Rusiya Yüngül Atletika Federasiyasını üzvlükdən uzaqlqşdırmış və idmançıların müraciətinə fərdi baxacağını qeyd etmişdi.

Rio Olimpiadasına isə bir aydan az müddət qalır. Dördilliyin ən nüfuzlu turniri 5-21 avqustda keçiriləcək.