Moskvanın MOİK komandasında çıxış edən Vasili və Aleksey Berezutski qardaşları futbol üzrə Rusiya yığmasındakı karyeralarını bitirmək barədə yekun qərar qəbul ediblər.

Sportfm.az xəbər verir ki, bu barədə V.Berezutski mətbuata açıqlamasında bildirib.

Onun sözlərinə görə, bir il əvvəl milli karyerasını dayandırmaq barədə qərar qəbul edib: "Yaşımı və ən əsası səhhətimi nəzərə alaraq öz klubuma köklənməyin gərəkliyini anladım. Həmin vaxt yığmanın baş məşqçisi Stanislav Çerçesov mənə məhz "dayandırdım" sözünü işlətməyi tövsiyə etdi. İndi isə mundiala cəmi üç ay və yalnız mart toplanışında Braziliya və Fransaya qarşı keçirəcəyimiz yoldaşlıq oyunları qaldığı vaxtda mən və qardaşım Alekseyin yığma karyeramızı bitirdiyimizi açıq-aydın deməyin gərəkliyini düşünürəm. Hər zaman millinin düşərgəsinə məmnuniyyətlə gəlmişəm. Lakin indi səhhətim seçim yeri qoymur".

Qeyd edək ki, Vasili və Aleksey Berezutski əkiz qardaşlardır. Onlar 2003-cü ildən Rusiya millisinə dəvət alıblar.

Oxşar xəbərlər

Futbola bir başladılar, bir də bitirdilər

Rusiya millisinin DÇ-2018 üçün yekun heyəti açıqlandı

Onların yığmaya cəlb edilməsi gündəmdə deyil - Stanislav Çerçesov

UEFA Rusiya millisinə qarşı iş açdı

EURO 2016: Eyni və fərqli yığmalardakı qardaşlar