İyulun 23-də "Napoli"nin futbolçusu Qonsalo İquain "Yuventus"a keçidlə bağlı razılıq əldə edib. Komanda.az xəbər verir ki, keçidlə bağlı xəbər yayıldıqdan sonra "Napoli" azarkeşləri etiraz aksiyası keçiriblər. Azarkeşlər Neapolun mərkəzi küçəsini bağlayaraq, bu keçidə qarşı çıxıblar. Fanatlar sosial şəbəkədə də etiraz aksiyaları keçiriblər. Onlar yaydıqları bəyantda İquaini satqın adlandırıblar: "Belə hərəkət etməzlər. İquain bizim üçün bir futbolçudan artıq idi. O, bizim simvolumuz idi. Ancaq fikirləşmədən bizi satdı. İquain nədən əmələ gəldiyini göstərdi. Dieqo Maradona heç vaxt belə etməzdi".

Qeyd edə ki, İquain ötən mövsüm 36 qol vuraraq, "A" seriyasında rekord müəyyənələşdirib. "Yuventus" onun keçidi üçün 94,5 milyon avro ödəyib.