"Mançester Yunayted"in baş məşqçisi Joze Mourinyo dünya şöhrətli atlet Useyn Bolta təşəkkür edib. Komanda.az xəbər verir ki, "Mançester Yunayted" azarkeşi olan Bolt bir neçə gün bundan əvvəl sosial şəbəkədə video-müraciət paylaşmışdı. O, Joze Mourinyoya "qırmızı şeytanlar"ın sükanı araxasında uğur arzulamışdı. Bolt komandanın çıxışını yaxından izləyəcəyini də bildirmişdi. Joze Mourinyo Boltu cavasız qoymayıb. Portuqaliyalı mütəxəssis "instaqram" səhifəsində ona təşəkkürünü bildirib: "Çox sağ ol, çempion. Şöhrətini daha da artırmaq üçün Rioda keçiriləcək olimpiya oyunlarında hamımız sənə uğurlar arzulayırıq".