Qadın voleybolçulardan ibarət Azərbaycan millisi ilə Qızıl Avropa Liqasının “A” qrupunda mübarizə aparacaq Ukrayna yığmasının heyəti açıqlanıb.

Sportfm.az xəbər verir ki, Ukrayna millisinin baş məşqçisi Qariy Aqiazarov turnirdə 14 voleybolçuya şans verəcək.

Heyətdə Kristina Nemtseva, Marina Deqyareva, Alena Novqorodçenko, Lyudmila Osaçuk, Aleksandra Peretyatko, Alla Politanskaya, Viktoriya Dançak, Svetlana Dorsman, Darya Drozd, Yuliya Qerasimova, Anastasiya Karaseva, Diana Karpets, İrina Truşkina, Darya Velikokon, Anastasiya Çernuxa, Karina Denisova, Katerina Dudnik, Nadejda Kodola, Anna Kiriçenko, Viktoriya Loxmançuk, Viktoriya Nikolayçuk, Olesya Rıxlyuk, Olqa Skirpik və Lyubov Ujva yer alıblar.

Turnirin “A” qrupunda Azərbaycan və Ukrayna yığmalarından başqa, Portuqaliya və Bolqarıstan milliləri də mübarizə aparacaq.

Qeyd edək ki, qrup qalibləri, həmçinin ən yaxşı ikinci yerin sahibi iyunun 14-15-də “Dördlər finalı”nda mübarizəni davam etdirəcək. “B” qrupunda Xorvatiya, Finlandiya, Macarıstan, Fransa, “C” qrupunda isə Slovakiya, Belarus, İspaniya və Çexiya milliləri yarışacaqlar.

Oxşar xəbərlər

Azərbaycan millisinin heyəti açıqlandı

Azərbaycan millisinin heyəti məlum oldu - Qızıl Avropa Liqası

Azərbaycan millisi Gürcüstan yığması ilə qarşılaşacaq

Ukrayna yığmasının yekun heyəti açıqlandı

Püşk atıldı: Azərbaycan Portuqaliya və Ukrayna ilə eyni qrupda