Çexiyanın paytaxtı Praqada keçirilən “All Stars Cup” turnirində ikinci oyun gününə yekun vurulub. 

Sportfm.az xəbər verir ki, “Qəbələ”nin 16 yaşadək futbolçulardan ibarət komandası ikinci qrup mərhələsində 3 oyun keçirib. İspaniyanın “Barselona” klubuna 0:3, Rusiya “Zenit”inə 0:2 hesabı ilə uduzan “qırmızı-qaralar” Almaniya təmsilçisi “Herta”ya qalib gəlib - 1:0. Matçdakı yeganə qola Nemət Şıxəmirov imza atıb. 

İlk iki mərhələnin yekununda 2 qələbə və 4 məğlubiyyəti olan komanda ümumi sıralamada 11-ci olub. “Qəbələ” cədvəldə “Zenit”, “Beşiktaş”, “Fastav Jlin”, “Dukla” kimi komandaları qabaqlayıb. 

Bu gün 9-16-cı yerlər uğrunda mübarizə aparacaq “Qəbələ”nin ilk rəqibi Çexiya təmsilçisi “Fastav Jlin” olacaq.

Oxşar xəbərlər

"Qəbələ" "Beşiktaş"a qalib gəlsə də, 15-ci oldu

"Barselona" "Qəbələ"yə qalib gəldi

"Porto" Azərbaycan klubuna 4 qol vurdu

"Portu" Azərbaycan klubuna qarşı

PSJ, "Barselona", "Beşiktaş" və "Qəbələ"