Rio-2016 Yay Olimpiya Oyunlarında daha bir idmançımızın çıxışı uğurlu olub. Sportfm.az xəbər verir ki, kanoe-slalomçu Yure Meqliç bir nəfərlik kayak qayığı (K-1) ilə seçmə mərhələdə debüt edib. Təmsilçimiz ilk keçidi 95.12 nəticə ilə 14-cü sırada tamamlayıb. İkinci keçiddə nəticəsini daha da yaxşılaşdıran Meqliç maneələri 90,70 saniyəyə dəf edib. Bununla da o, ümumi sıralamada 11-ci yeri tutaraq yarımfinala yüksəlməyə haqq qazanıb.

Yarımfinal yarışları avqustun 10-u saat 20:30-da başlanacaq.