"Mançester Yunayted”in baş məşqçisi Joze Mourinyonun mətbuat konfransında maraqlı hadisə baş verib. Qol.az-ın xəbərinə görə, İngiltərə superkubokunda "Lester”lə oyundan (2:1) sonra təşkil edilən konfransda jurnalistlərdən biri yatıb. Bu isə portuqaliyalı mütəxəssisin diqqətindən yayınmayıb. "Lester” əla komandadır. Onlar fantastik bir mövsüm keçirmək istəyirlər. Və əladır ki, arxa sıradakı centlmen bir mələk kimi yatıb” – deyə o gülərək bildirib.