Ölkəmizi Çempionlar Liqasında təmsil edən “Qarabağ” Peşəkar Futbol Liqasına müraciət edib.

Sportfm.az xəbər verir ki, “Qarabağ” ÇL-in 3-cü təsnifat mərhələsinin BATE ilə keçiriləcək cavab oyununa daha yaxşı hazırlaşmaq üçün Topaz Premyer Liqasının 2018/2019-cu illər mövsümünün 1-ci turunda keçirilməli olan “Zirə” ilə görüşün təxirə salınmasını xahiş edib.

“Qarabağ”ın qitənin ən nüfuzlu klub turnirində çıxışını nəzərə alan Peşəkar Futbol Liqası 1-ci turun təqvimində aşağıdakı dəyişikliklə bağlı qərar qəbul edib:

Topaz Premyer Liqasının 1-ci turunun “Qarabağ” - “Zirə” matçı 10 avqust tarixdən, 26 sentyabr tarixə keçirilsin.

“Qarabağ” Bakıda keçirilən ilk oyunda BATE-yə 0:1 hesabı ilə məğlub olub.

Oxşar xəbərlər

"Keşlə" - "Qarabağ", "Zirə" - "Qəbələ" matçlarının vaxtı dəyişdirildi

"Sumqayıt" - "Qarabağ" matçının məkanı dəyişdirildi

Gözlənilən oldu: "Qarabağ" - "Neftçi" oyununun vaxtı dəyişdirildi

PFL təqvimdə dəyişiklik etdi

“Qarabağ” – “Neftçi” matçının vaxtı dəyişdirildi