"Barselona"nın yarımmüdafiəçisi Kristian Tello növbəti mövsümdə "Fiorentina"nın şərəfini qoruyacaq. Komanda.az xəbər verir ki, Florensiya klubu ispan futbolçunu 1 illik icarəyə götürüb. Bu barədə məlumatı "bənövşəyilər"in saytı yayıb. 25 yaşlı futbolçu müqaviləylə "Barsa"ya məxsus olsa da, 2014-cü ildən bu klubun şərəfini qorumur. 2014/15 mövsümündə icarə əsasında "Portu"nun şərəfini qorumuş Tello, son mövsümün ilk dövrəsində "əjdahalar"da, ikinci dövrədən etibarən isə "Fiorentina"da icarə əsasında top qovub.