"Qarabağ"ın Avropa Liqasının qrup mərhələsindəki rəqiblərindən olan İngiltərə "Arsenal"ının zədəli futbolçularının durumu müəyyənləşib.

Sportf.az xəbər verir ki, London təmsilçisinin futbolçuları Sead Koloşinats, Enzli Meytlend-Naylz, Karl Cenkinson və Loran Koselni bu ay meydana çıxmayacaq.

Müdafiəçi Koloşinats və yarımmüdafiəçi Meytlend-Naylzın oktyabrın əvvəllərində tam olaraq kollektivə qoşulaqları gözlənilir.

Müdafiəçilər Cenkinson və Koselni isə noyabrda komandaya qoşulacaq.

Bu futbolçulardan yalnız Meytlend-Naylzın adı Avropa Liqasının iştirak ərizəsinə daxil edilməyib. Cenkinson və Koselninin Avropa Liqasının qrup mərhələsinin II turunda "Qarabağ"la səfər oyununda iştirak etməyəcəyi dəqiqləşib. Koloşinatsın isə Bakıya gəlib-gəlməyəcəyi bilinmir. 

Qeyd edək ki, oktaybrın 4-də Bakı Olimpiya Stadionunda keçiriləcək "Qarabağ" - "Arsenal" matçı saat 20:55-də start götürəcək. 

Oxşar xəbərlər

Avropa Liqasının rəmzi yığmasının tərkibi açıqlandı

Henrix Mxitaryan Bakıya gətiriləcək?

"Arsenal" - "Qarabağ" - Ehtimal start heyətlər

Obameyanq Bakıda meydana çıxacaqmı?

"Arsenal" iştirak ərizəsini UEFA-ya təqdim etdi - SİYAHI