2020-ci ildə Qəbələ şəhərində güllə atıcılığı üzrə Dünya Kuboku yarışı keçiriləcək.

Sportfm.az xəbər verir ki, bu barədə qərar Beynəlxalq İdman Atıcılıq Federasiyasının (ISSF) İcra Komitəsi iclasında qəbul olunub. Toplantıda 2020-ci ildə keciriləcək Dünya Kubokları üçün nəzərdə tutulmuş şəhərlər təsdiqlənib və yekun siyahıda Qəbələ də yer alıb.

Dünya Kubokunda 70-dən artıq ölkədən 600-ə yaxın idmançının iştirakı gözlənilir. Onlar arasında dünyanın tanınmış atıcıları, dünya və Avropa çempionları, olimpiya mükafatçıları olacaq.

Yarışın 2020-ci Tokio Yay Olimpiya Oyunlarından əvvəl, may- iyun aylarında keçiriləcəyi gözlənilir.

Qeyd edək ki, Azərbaycan 2014-ci ildən etibarən atıcılıq növləri üzrə Dünya Kuboku, Avropa çempionatı və digər böyük beynəlxalq tədbirlərə ev sahibliyi edib. 

Oxşar xəbərlər

Dünya çempionatı Rusiyadan alındı - Azərbaycanda keçiriləcək

2021-ci ilin son yarışı Bakıya salındı - Atıcılıq üzrə

Dünya Kuboku ilə bağlı mətbuat konfransı təşkil olundu

Bakıda növbəti idman turniri keçiriləcək

Dünya Kubokun yarışları Qəbələdə