Portuqaliya Sequndasında 6-cı turun oyunları keçirilib.
Sportfm.az xəbər verir ki, U-21 millimizin futbolçusu Renat Dadaşovun çıxış etdiyi "Eştoril” səfərdə “Akademika Koimbra” ilə qarşılaşıb. Futbolçumuzun komandası bu oyundan qələbə ilə ayrılıb - 7:2.
65-ci dəqiqədə meydana çıxan Dadaşov iki qol vurub. O, 71 və 90+1-ci dəqiqədə fərqlənib.
Qeyd edək ki, “Eştoril” 6 turdan sonra 12 xalla 18 komanda arasında 4-cü pillədə qərarlaşıb.