“Bolqarıstan yığması çox yaxşı, mobil komandadır. Oyun çox ağır keçdi”. 

Sportfm.az xəbər verir ki, bu sözləri 19 yaşadək futbolçulardan ibarət yığmamızın baş məşqçisi Vüqar Məmməd AFFA-nın rəsmi saytına açıqlamasında deyib. Bolqarıstan yığması ilə keçirilən yoldaşlıq görüşünü (0:0) dəyərləndirən gənc mütəxəssis əzmkar oyuna görə komandasına təşəkkür edib: 

“Dünən Bakıdan Sofiyaya, ordan isə Sliven şəhərinə ümumilikdə 14 saatlıq yorucu yol qət etsək də, futbolçularımız əzmkar mübarizə apardılar. Buna görə onlara təşəkkür edirəm. Oyunda müəyyən çatışmayan nüanslar oldu və bunun üzərində çalışacağıq. Təəssüf ki, qol vura bilmədik. Amma futbolçular verilən tapşırıqları maksimum yerinə yetirmək üçün çox çalışdılar. Avropa çempionatının seçmə mərhələsinə qədər səylə çalışmalıyıq”.

Oxşar xəbərlər

"Komanda oyundan oyuna yüksəlişdədir" - Vüqar Məmməd

"Çatışmayan cəhətlərimizi üzə çıxardıq" - Vüqar Məmməd

"Futbolçularda müəyyən psixoloji təzyiq yaratmışdı" - Ramin Quliyev

Yığmamız MOİK-i məğlub etdi - FOTO

Millimizin baş məşqçisi: "Kamran Quliyevə klubunun xahişi ilə icazə verdik"