AFFA İntizam Komitəsi "Zirə" klubunun futbolçusu Bilal Həmdini bir oyunluq cəzalandırıb.

Sportfm.az xəbər verir ki, buna səbəb 27 yaşlı yarımmüdafiəçinin Premyer Liqanın XIII turunda səfərdə "Qəbələ" ilə qolsuz heç-heçə etdikləri matçda ikinci sarı vərəqə alaraq meydandan qovulmasıdır. 61-ci dəqiqədə oyundan kənarlaşdırılan fransalı oyunçuya görə klubu 200 manat məbləğində cərimə olunub. 

İntizam Komitəsi "Sumqayıt", "Qəbələ" və "Keşlə"yə isə 800 manat cərimə kəsib. İlk iki komanda 4, sonuncusu isə 5 futbolçusunun müvafiq olaraq "Səbail" (1:0), "Zirə" (0:0) və "Qarabağ"la (5:1) görüşlərdə sarı vərəqə almaları səbəbindən ziyana düşüb. 

Qeyd edək ki, "Zirə" Premyer Liqada II dövrənin son turunda "Qarabağ"la üz-üzə gələcək. 

Oxşar xəbərlər

“Sumqayıt” tərcüməçisinə görə cərimə olundu - QƏRAR

AFFA klubları cəzalandırdı

Paytaxt klubu 400 manat cərimə olundu - AFFA

"Qarabağ"ın müdafiəçisinə bir oyunluq cəza - AFFA

“Qarabağ”, "Sabah" və "Zirə" cərimələndi