Çempionlar Liqasında qrup mərhələsinə start verilib. Komanda.az xəbər verir ki, C qrupunda yarışan "Barselona" qrupun ilk oyununda evdə "Seltik"i darmadağın edib - 7:0. Kataloniya təmsilçisinin hücumçusu Lionel Messi bu oyunda het-triklə fərqlənib. Argentinalı hücumçu matçın 3, 27 və 60-cı dəqiqələrində rəqib qapını dəqiq nişan alıb. Bununla da o, Çempionlar Liqasının final mərhələsində 6-cı het-trikinə imza ataraq, özünün şəxsi rekordunu yeniləyib. 

Xatırladaq ki, Messinin bu sahədə ən yaxın izləyiciləri Kriştiano Ronaldo (4), Mario Qomes (3), Filippo İnzaqi (3) və Luis Adrianodu (3).