Vaxtilə futbol üzrə Türkiyə yığmasının şərəfini qorumuş Gökdəniz Qaradəniz Rusiya Futbol İttifaqına şikayət edib. 

Sportfm.az xəbər verir ki, sabiq yarımmüdafiəçi 10 il boyunca çıxış etdiyi Kazan təmsilçisi "Rubin"dən pulunu ala bilmədiyini bildirib. Türk futbolçunun verdiyi məlumata görə, "Rubin" rəhbərliyi ona külli miqdarda pul borcludur və bu məbləği ödəmək istəmir. Məsələ ilə bağlı açıqlama verən Kazan klubunun idman direktoru Rüstəm Saymanov "o kasıb deyil, ancaq təkidlə borclarını istəyir. Biz onun pulunu danmırıq. Sadəcə 10 il bizim klubda oynayan bir şəxs kimi çox çirkin iş tutdu" - deyib. 

Qeyd edək ki, Karadeniz Tatarıstan Respublikasının fəxri vətəndaşıdır.