Rusiyanın "Rubin" klubunun təcrübəli türkiyəli futbolçusu Gökdeniz Karadeniz növbəti mövsümlə bağlı fikirlərini bildirib. 

Sportfm.az xəbər verir ki, 2008-ci ildən Kazan klubunda çıxış edən Gökdeniz Rusiya Premyer Liqasının ildən-ilə çətinləşdiyini açıqlayıb:"Səviyyə hər il daha da artır. Bizim klub üçün növbəti mövsüm medallar uğrunda mübarizə aparmaq çətin olacaq. Düşünürəm ki, indiki heyətlə ilk "beşliyə" belə iddialı deyilik. Nə qədər acı olsa belə, reallıqdır". Əslən Trabzondan olan yarımmüdafiəçi komandanın son vaxtlar tez-tez məşqçi dəyişməsinə də münasibət bildirib:"Qurban Berdıyev olanda nə istədiyimizi yaxşı bilirdik. İndi isə heçnə məlum deyil".

Qeyd edək ki, uzun illərdir Karadeniz "Rubin" klubunun kapitan sarğısını daşıyır.