Kiyev "Dinamo”su yeni baş məşqçi axtarışına çıxıb. Futbolinfo.az xəbər verir ki, Ukrayna klubu hazırkı çalışdırıcısı Sergey Rebrovun işindən narazıdı. Cari mövsümdə ilk 4 oyunun 3-də məğlub olan, cəmi 1 heç-heçəsi olan "Dinamo” rəhbərliyi bu səbəbdən sabiq futbolçu ilə yolları ayırmaq qərarına gəlib. Ukrayna mətbuatının məlumatına görə, onun postuna iki əsas namizəd var. Bunlar "Qəbələ”nin baş məşqçisi Roman Qriqorçuk və "Krasnodar”ın keçmiş çalışdırıcısı Oleq Kononovdu. Məşqçi axtarışı ilə birbaşa klubun sahibi İqor Surkis məşğul olur.  Ukrayna mətbuatı Kononovla anlaşmanın daha real olduğunu yazıb. Onlar buna səbəb kimi, Qriqorçukun "Qəbələ” ilə birlikdə Avropa Liqasının qrup mərhələsində çıxışını göstəriblər. Kiyev təmsilçisi Qriqorçukla danışıqlara hələ start verməyib. 

Oxşar xəbərlər

Kiyev "Dinamo"sunun forvardı Azərbaycan klubunda

"Qəbələ"nin sabiq baş məşqçisi tarixə düşdü

“Qızıl top”un qalibinə federasiyada vəzifə verildi

Millinin sabiq futbolçusu dələduzluqda ittiham olundu - FOTO

"Qəbələ"nin Kiyev klubuna "gücü çatmadı"