Aprelin 4-5-də Gəncədə 13 yaşadək məktəbli qızlar arasında “Qızlar futzal kuboku” turniri keçiriləcək.

Sportfm.az xəbər verir ki, Gəncədə Mikayıl Müşfiq adına 14 nömrəli tam orta məktəbin idman zalında keçiriləcək yarışda 12 məktəbdən 120 şagird iştirak edəcək.

Turnirin ilk günündə qrup mərhələsi üzrə 12 görüş, ertəsi gün isə play-off mərhələsinin qarşılaşmaları və final oyunu keçiriləcək.

UEFA-nın və AFFA-nın dəstəyi ilə təşkil olunan turnirdə komandalar top və idman gödəkcələri ilə təmin olunacaqlar.

İlk üç yeri tutan komandalara diplomlar və medallar, qalib komandaya isə kubok təqdim ediləcək.

Xatırladaq ki, “Qızlar futzal kuboku” layihəsi bundan əvvəl Quba, Mingəçevir, Balakən, Lənkəran və Qaxda təşkil olunub.

Oxşar xəbərlər

“Qızlar Futzal Kuboku” bu dəfə Qaxda

“Qızlar Futzal Kuboku” turniri keçirildi - FOTO

Lənkəranda “Qızlar Futzal Kuboku” turniri keçiriləcək

Tülü kəndinin komandası birinci oldu

Balakəndə “Qızlar futzal kuboku” turniri keçiriləcək