Bu gün Topaz Premyer Liqasında 7-ci tura start verilib. İlk oyun günündə bir görüş baş tutub. Turun açılış matçında liderlər qrupunda qərarlaşan "İnter” "Zirə”ni qəbul edib. Matçın ilk yarısında hesabı açan meydan sahibləri qarşılaşmaya əlavə olunan dəqiqələrdə qələbəni əldən veriblər. Nəticədə paytaxt derbisi "sülh"lə başa çatıb.

Topaz Premyer Liqası 7-ci tur 30 sentyabr (cümə) "İnter” – "Zirə” - 1:1 (1:0) Qollar: A.Ramazanov, 22 (1:0). V.İqbekoyi, 90+1 (1:1).

Hakimlər: Fariz Yusifov, Knyaz Əmiraslanov, Azər Əsgərov, Vüsal Qənbərov. Əlavə köməkçi hakimlər: İnqilab Məmmədov, Elvin Əsgərov.

Turun digər oyunları: 1 oktyabr ("Neftçi” – "Kəpəz”, "Sumqayıt” – AZAL). 2 oktyabr ("Qəbələ” – "Qarabağ”).