Azərbaycanın idman gimnastı Nikita Simonov Xorvatiyanın Osiyek şəhərində keçirilmiş Dünya Kubokunda qızıl medal qazanıb. 

Sportfm.az xəbər verir ki, 28 ölkənin mübarizə apardığı yarışda idmançı halqalarla hərəkətlərdə 14.500 xal toplayaraq birinci olub. İvan Tixonov isə dəstəli atda 14 tam xalla bürünc medala layiq görülüb. 

Azərbaycanın idman gimnastları Macarıstanın paytaxtı Budapeştdə keçirilən beynəlxalq yarışda da medallar əldə edib. Müxtəlif yaş kateqoriyalarında qüvvələrini sınayan gimnastlar 6 medala sahib olublar. 

Komandanın hesabına ən çox medal yazdıran Rüstəm Əhməd olub. İdmançı turnikdə gümüş (12.650), halqalarda (12.400) və sərbəst hərəkətlərdə (12.300) isə bürünc medal qazanıb. Gənc atlet çoxnövçülükdə isə 73.400 xal toplayaraq qızıl medala yiyələnib. 

Yarışda Mənsum Səfərov dəstəli atda 11.350 xal, Səməd Məmmədli isə turnikdəki hərəkətlərə görə 12.650 xal toplayaraq bürünc medala sahib olub. 

Oxşar xəbərlər

"Bakı 2019"un idman gimnastikası yarışlarında beş alət üzrə qaliblər müəyyənləşdi

Azərbaycan gimnastı EYOF-un gümüş medalını qazandı - FOTO

Gimnastlarımız Xorvatiyada iki medal qazandı

Daha iki gimnastımız Dünya Kubokunda finala çıxdı

İdman gimnastika üzrə dünya kuboku yarışlarına yekun vuruldu - FOTO