FİFA referisi Ravşan İrmatov Özbəkistan Futbol Federasiyasının vitse-prezidenti təyin olunub. 

Sportfm.az xəbər verir ki, bu barədə federasiyanın rəsmi saytı məlumat yayıb. 

Məlumatda bildirilir ki, bu gün İcraiyyə Komitəsinin iclası baş tutub və tədbirdə qurumun vitse-prezidentləri – Ümid Əhmədcanov, Polad Babacanov və Şerzod Taşmatov vəzifələrindən istefa veriblər. 

Onların istefası qəbul olunub. İK-nın digər qərarı ilə Ravşan İrmatov və daxili işlər nazirinin müavini Muhiddin Jurayev müvəqqəti olaraq Özbəkistan Futbol Federasiyasının vitse-prezidenti təyin olunub. 

41 yaşlı İrmatov dünya çempionatlarının final mərhələsində 11 oyun idarə edib ki, bu da futbol hakimləri arasında rekord hesab olunur. 

Özbəkistanlı hakim DÇ-2010-da 5, DÇ-2014-də 4, DÇ-2018-də 2 oyunun baş hakimi olub.