Cənubi Amerikanın Futbol Federasiyası (CONMEBOL) Argentina yığmasının hücumçusu Lionel Messinin 3 ay müddətinə diskvalifikasiya olunması haqqında qərar qəbul edib.

Sportfm.az xəbər verir ki, futbolçunun cəza müddəti noyabrın 3-də başa çatacağından, o, milli komandanın Çili, Meksika və Almaniyaya qarşı keçirəcəyi matçları buraxmalı olacaq.

"Barselona"nın forvardı həmçinin 50 min dollar məbləğində cərimə ödəməli olacaq.

Messinin cəzalandırılmasına Braziliyada keçirilən Amerika Kuboku oyunları zamanı onun Cənubi Amerika məmurlarını tənqid etməsi səbəb olub. O, məmurları ev sahibi olan komandanın qalibiyyəti üçün əllərindən gələni etməkdə ittiham edib. Messinin fikrincə çempionatda hakimlər Argentina millisinə qarşı qərəzli olublar.

Daha əvvəl Messi Amerika Kuboku çərçivəsində Çili ilə üçüncü yer uğrunda keçirilən matçda qırmızı vərəqə alması səbəbindən martda DÇ-2022-nin birinci təsnifat mərhələsi oyununu buraxacağı bəlli olmuşdu.

Oxşar xəbərlər

Messinin forması əbədiləşdiriləcək

Lionel Messinin millidəki cəzası ləğv edildi - Yığmanın matçlarında oynayacaq

Messi Argentina yığmasından kənarlaşdırıla bilər

Futbol Federasiyasının prezidenti FIFA Şurasından qovuldu

Karyerasında ikinci dəfə oyundan qovuldu