UEFA növbəti dəfə "Qarabağ" klubuna qarşı intizam işi açıb. 

Sportfm.az xəbər verir ki, araşdırma Azərbaycan təmsilçisinin Avropa Liqasının qrup mərhələsinin I turunda İspaniya "Sevilya"sı ilə ev matçında baş verənlərlə əlaqədardır. 

Azarkeşlər Tofiq Bəhramov adına Respublika stadionundakı qarşılaşmada  meydana kənar əşyalar atıblar. Bu, Andalusiya təmsilçisinin 62-ci dəqiqədə hesabı açmasından sonra baş verib. "Sevilya"nın heyətində Xavyer Ernandes cərimə zərbəsini dəqiq yerinə yetirib. Ağdam komandasının fanatları isə "Çiçarito" ləqəbli hücumçunun qoluna belə reaksiya veriblər. 

UEFA-nın Nəzarət, Etika və İntizam Komitəsi məsələyə oktyabrın 17-də baxacaq.  

Qarşılaşma "Qarabağ"ın 0:3 hesablı məğlubiyyəti ilə bitib. UEFA ölkə çempionunu bu mövsüm daha iki dəfə cərimə edib (Report).

Oxşar xəbərlər

UEFA “Qarabağ”ı cərimələdi

UEFA "Düdelanj" - "Qarabağ" oyunu ilə bağlı qərar gələn həftə açıqlanacaq

UEFA "Qarabağ"ı növbəti dəfə cərimələdi

UEFA "Qarabağ"a qarşı intizam işi açdı

UEFA "Qarabağ"a qarşı intizam işi açdı