Mayami ştatının hakimiyyət orqanları və ictimai fəallar “Hard Rock Stadium” rayonunda yeni Qran-pri F1 mərhələsi layihəsinin əleyhinə çıxış edirlər. Onların narazılığına səbəb avtoyürüş günlərində küçələrin bağlanması, səs-küy və tıxaclar yaranmasıdır.

Sportfm.az xəbər verir ki, Formula 1 mərhələsinin təşkilatçılarının sözlərinə görə, F1 mərhələsinin keçirilməsi yerli sakinlərə minimum təsir göstərəcək. Onlar avtoyürüş ilə əlaqədar şəhər şurasında nəzərdə tutulan dinləmələrdən əvvəl azarkeşlərin dəstəyinə nail olmağı qərara alıblar. Bu məqsədlə Mayami Qran-prisinin rəsmi səhifəsində həmin layihəyə dəstək petisiyası dərc edilib.

Petisiyada deyilir: “Formula 1 Qran-prisi kimi genişmiqyaslı hadisələrin kiçik biznesə təsirini unutmaq olmaz. Məsələn, Superboulda hər il kiçik şirkətlər üçün təchizatçıların sertifikasiya proqramı hazırlanır və bu şirkətlərin sahiblərinə kontraktlar təklif edilir. Mayami Qran-prisi kiçik biznes üçün nadir şans yaradır. Bu cür irimiqyaslı hadisələr yerli iqtisadiyyata mənfəət gətirir, yeni işgüzar imkanlar yaradır”.

Oxşar xəbərlər

Çin Qran-prisi də təxirə salınır - Formula 1

Mayamidə Formula 1 yürüşü ilə bağlı ictimai dinləmələr keçirildi

Mayamidə Formula 1 yürüşlərinə qarşı mitinq keçirildi

ABŞ-da "Formula 1" üzrə daha bir Qran-pri keçiriləcək

2019-cu il Formula 1 mövsümünün 8 mərhələsinin tarixləri məlum oldu