2022-ci ildə baş tutacaq Yeniyetmələrin Yay Olimpiya Oyunları payızda keçiriləcək.

Sportfm.az xəbər verir ki, bu barədə Beynəlxalq Olimpiya Komitəsinin (BOK) mətbuat xidməti məlumat yayıb.

Belə ki, Yeniyetmələrin Yay Olimpiya Oyunları - 2022-nin təşkilatçıları yarışın payız fəslinə təxirə salınması barədə qərar qəbul ediblər. Yarış oktyabrın 22-də başlayacaq və noyabrın 9-da yekunlaşacaq. 

Məkan isə dəyişməyəcək - Olimpiyada Seneqalın paytaxtı Dakar şəhərində keçiriləcək.

Yarışın payıza təxirə salınmasına səbəb kimi əksər iştirakçıların məktəb qrafiki və Afrika iqlimi göstərilib. Yarışın payızda baş tutacağı təqdirdə bir çox idmançı dərslərini rahatlıqla məşqlə birləşdirə biləcək.

Payız aylarında Seneqalın iqlim quru olur və bu da idmaçılara müsbət təsir edəcək.

Xatırladaq ki, Dakardakı oyun Afrika qitəsindəki ilk Olimpiyada olacaq. Seneqal 2022-ci ildə Yeniyetmələrin Yay Olimpiya Oyunlarına ev sahibliyi edəcək yeganə namizəd olub. 

Oxşar xəbərlər

Yay Olimpiya Oyunları təxirə salındı

Afrika qitəsindəki dünya çempionatı təxirə salındı

BOK Olimpiya Oyunlarına ev sahibliyi edəcək ölkəni açıqladı

Olimpiyaçılarımız Bakıya qayıtdı - FOTO

Yay Olimpiya Oyunları Afrikada keçiriləcək - ilk dəfə