İspaniyanın "Barselona" klubunun argentinalı futbolçusu Lionel Messi çıxış etdiyi komandanın heyətində  500-cü qolunu vurub. Sportfm.az xəbər verir ki, bu, İspaniya çempionatının 11-ci turu  çərçivəsində "Sevilya" ilə oyunda baş verib. Kataloniya klubunun heyətində 592-ci matçını keçirən Messi 43-cü dəqiqədə yubiley qoluna imza atıb.

Qeyd edək ki, "Sevilya"nı səfərdə 2:1 hesabı ilə məğlub edən "Barselona" 25 xalla turnir cədvəlinin ikinci pilləsində qərarlaşıb.