Bu gün qadın voleybolçular arasında Azərbaycan Super Liqasında II turun oyunları keçirilib. Sportfm.az xəbər verir ki, baş tutan qarşılaşmalardan sonra vahid lider müəyyənləşib. Belə ki, turun mərkəzi matçında "Azərreyl”lə "Telekom” üz-üzə gəlib. Son mövsümün finalçılarının duelində "dəmiryolçular” ilk iki seti çətinliklə də olsa, qazansalar da, sonradan özündə güc tapan "rabitəçilər" qələbə qazanmağa nail olublar. Günün digər oyununda "Lokomotiv”lə "Azəryol” gücünü yoxlayıb. Qarşılaşma "yolşəkənlər"in rahat qələbəsi ilə yekunlaşıb.